| "Opdrag" deur HENRI LAURIE [boodskap #25072] |
Sa, 31 Julie 1999 00:00  |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
OPDRAG
Henri Laurie
Om die klappers te verklap
en die geheime hoere uit hul laaie te lig
om elke sigaret oop te rol
om elke venster te ontsyfer.
Wie kan antwoord hê op die stomende son?
Daar lê die stof en die stilte,
en elders dreun die deure.
Of dit nou bloed of bloeisels is,
die swygende stilte moet blaker en kers.
Om die uiteidelike behoefte te groet,
om eens en vir altyd 'n eerbied te bekom,
muis te word in 'n trommelende spens,
om die drade en hoeke te span
en die oog sy belofte te lewer.
Dan kan ons in ons palms die toekoms voel,
en met ons voete soek vir vermistes,
dan kan ons daagliks die eensame son---
die lang son, die son van ons voorsate---
op ons skouers laai en in ons matte saai
en in elke gesprek oes en dors en maal ons
die vernederende verbystering van die onlangs
ontblindes.
Waarom vra jy nog waar die ooste is,
of die getal van jou sonde?
Dis tyd om te sien wat daar te sien is.
|
|
|
|
| Re: "Opdrag" deur HENRI LAURIE [boodskap #25099 is 'n antwoord op boodskap #25072] |
So, 01 Augustus 1999 00:00  |
reisiger
Boodskappe: 645
Geregistreer: Julie 1999
Karma: 0
|
Senior Lid |
|
|
Dis tyd om te sien wat daar te sien is.
En die reg om onsself uit te druk soos ons is. Ons skandes
en ons oorwinnings. En hier sien ons in onsself die mens
wat was, is en wil laat wees. Beide ons grot van skande en
ons genotsgrot van vreugde.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
